اعجاب

وين أببدا وين أبنهي هالحوار     كيف بس أقدر اطلع هالوصوف

كل كلمه راح أنطقها إنبهار     في عدد  اوصاف تتعدى الالوف

يا شموخ ما بيوصله انكسار     يا سحابه ترسم ألوان الطيوف

يا ظلام خاف يوصله النهار     يا قمر ما صار به مره كسوف

يا غريبه مثل موجات البحار     يا عزيزه مثل هامات السيوف

يا عفيفه تمشي في خط المسار     يا حكيمه تنطق إبأحلى الحروف

يا شريفه ساكنه أجمل ديار     أفتدي في حبها أغلى الضيوف

إنتي يا قصه بها العنوان حار     انتي يا شعر بكلماته  نشوف

إنتي يا وصف أبد مابه غبار     إنتي جيش مكتمل وافي الصفوف

إنتي يا (أمي) كلامي والحوار     إنتي يا أصدق مشاعر وسط يوف

لج تحيه في كلامي وانبهار     في حياتي كلها أمثال وصفج ما بشوف