خيانة

الا كيف الهوى وقف وتمضي باقي اسنينه       الا كيف السفن تغرق وفوق تنصب اشرعها

يمر الوقت ما ادري وتبعثرني عناوينه       ودمعة غيض في عيني رموشي من تصارعها

أحاول أمسك أعصابي واشرب من فانجينه       وصدمة غدرها تاتي على نفسي وتصرعها

أبي أنسى خيانتها وأذم بحسنها وزينه       وأعلم نفسي بنفسي وأحاول روحي أقنعها

أنا اللي كنت أمدحها وأقول البنت مسكينه       وقصة غدر لايمكن أبد في يوم تصنعها

أثرها سم ما يرحم تموت به ثعابينه       تخون الحب والعشره ولا تراعي وتصفعها

ألا يا بنت قوليلي وش اللي بس تبغينه       ترى من سوت أفعالج أبد محد بيسمعها

تخونيني بأول شخص من ربعي تشوفينه       أجل لو شفتي الباقين معزتنا بتنوعها

غريبه ما تفكرتي بهذا اللي تخاوينه       بيفكر ما فعلتي بي وبيقول انها بترجعها

ترى من خانت الاول تخون الثاني ابحينه       وما بين فلان ثم علان كرامتها بتوزعها

تجيني اليوم ندمانه وانا بقلبي براكينه       غصب عني خطاج اليوم زعلانه ارجعها

ترى عبدالله ماهو ذاك ياللي هو تخبرينه       يطنش ما بدى منج وغلطاتج بيشفعها

مع الدمعات والحسره خلاص وطحتي من عينه       جروحه ياكثرها بس ناوي انه يجمعها

أنا لو جيتي أفبالي يوقف فكري افحينه       ولو رجلي مشت صوبج علي الشرط لقطعها

عزيز مالي ومالج وسوي اللي تسوينه       أذوني حالف اني لصوتج ما اسمعها

أنا لوخنتج إبإختج وش اللي هو تسوينه       بتوصيني على اختج امانه لا تجوعها

أنا لو أضحك الطفله ألاقي منج سكينه       وهي طفله بعدها الأم توها إلا ترضعها

خلاص اليوم خليني وشوفي من تحبينه       عسى تلقين من يسعد عيونج أو يمتعها

وأنا مالي مكان اليوم في درب تدوسينه       وصوره محتفظ فيها حلفت إني أقطعها

ورجال تخونينه وحاولتي تخلينه       ولو صحتي ولو نحتي كرامه من يرجعها؟؟