الجمال

يـا  بـيوت الشعر بالله صوريه     بـالحسن والـزين خلاقي عطاها

شـفتها يـا ناس ما بين الوجيه     شـفتها بـالزين تقطر في حلاها

قـالوا الـعينين عـبدالله نـبيه     والـقليب  ابـداخلي فـز ويباها

كـل شـي فـيني توجه له عليه     تـاخذ الاحـساس والرؤيا معاها

لـو  بـاغلى سعر والله لشتريه     واتـرك  الدنيا لجل خاطر ضياها

الـوجه  لي تسقط الطرحه عليه     والـشعر لي يتبع الخطوه وراها

يـا بـنيه هـاذا قـلبي وإسأليه     وهذي إعيوني وشوفي وش بلاها

كـلهم  بـالصمت قـالوا آه إيه     كـلهم مـا صادفوا في مستواها

كـل  حـالي وكل ما املك خذيه     مـنهو  المجنون ياللي ما عطاها

طـبعي الـلي بـالفعل دايم بديه     خـان طـبعي نفسه وقفى معاها

يـرحم الـله أمـها ويرحم أبيه     ويـحفظ  الله كل خطوات" خطاها

كـلها أغـلى مـن إريال وجنيه     كـلها  أغلى من الأرض وسماها

الـحسد لاهـو يـجيها ولا تجيه     والـغرور  أعذره لو روح وجاها

شـفتها يـا ناس ما بين الوجيه     ما دريت اني قعدت امشي وراها