طعم الدموع

من يبي ينهي حياته مثل تذويب الشموع     ومن يبي يبدي نهاره بالحسافه وفالحسافه

ومن يطاوعها حياته لو عشانه ما تطوع     ومن يبي يرسم حياته مثل أفلام الخرافه

ومن يذوق الدمع غير الغارق بهم الدموع     ومن تكلف فوق حمله وهو ما يقصر كلافه

ومن يميل الوقت لجله مثل ما ميل الفروع     ومن يرف القلب لجله مثل ما زف النفافه

كل هالدنيا حسد .. أوجاع . تحويها الضلوع     كل هالدنيا ..حقد .. أحزان ..تنوي في تلافه

وين بلقاها السعاده وين يا كـــل الجموع     وين بلقى أمنياتي.. شخص تتحقق أهدافه

ذقت كل الدمع كله نوع غير وغير نوع      ما دريت الدمع مالح بكل ما معنى الحسافه

وما ينام الشخص دام بداخله مليون جوع     وما ينام بوسط برده غير يتغطى بلحافه

وأنا مت وما دريت إن الجسم كله دموع      وكل ما طاحت دموعه زاد في وزنه نحافه