صفر البداية

مـــا يمل اللي عطش من تبع لمحات السراب       وما يمل الشاعر اللي منشغل وسط القرايه

وما ينال الشي الا من تـــعب عند الشباب       وما يعيب الوقت هذا غير من ســود النوايه

شايب وحصــــــل نصيبه ينتظر يوم الحساب      وشايب قد صار طاغي ما حسب لجل النهايه

كل منــــــــا بعد فتره يندفن تحت التـــراب       وكل منـــــا بعد فتره عاد في صفر البدايه

يا حسافه عالبنات اللي رضوا فصخ الحجاب      أصبحوا عمله رخيصه تنهدى بين الهدايـــه

ويا حسافه عالشباب اللي بملبسهم غياب      إلبسوا لبس الأجانب والحقوا عرض الدعايــه

مـــا يمل اللي عطش من تبع لمحات السراب       وما يمل الشاعر اللي منشغل وسط القرايه

وكيف أمل من القصيد وهو معي مثل السحاب     لو ابي ابعد اشوفه دايم يركض ورايه