الطير الحزين

شاقني لحن" على لغصـان غـرد     يوم تصفق بالجناحين  الحمامـه

كنها إلا ناظرتني وعنـه  تنشـد     قالت إلوحدك ومحبوبـك علامـه

شوفتك وياه فـي جرحـي تبـرد     رمية الصياد في قلبـي  سلامـه

سالت إدموعي وقامت  بالتشـرد     حبس جفني ما تبالـي بهتمامـه

قلت روح راعي الخـد  المـورد     راح عني جعله بخيـر وسلامـه

آه يا حلـم وسـط عينـي تبـدد     إنهدم وشلـون بنعـاود  قوامـه

الوله لو غـاب الحاسـد  تمـرد     والعذول إيصير في وضع الزعامه

الألم فيني وعمره ما تردد     ظالم ويرمي على قلبي سهامه

الحياه أوجاع واهموم وتودد     بس حياتي كلها مثل الغمامه

صرت مأسور" ومن سيفه مجرد     او مثل جندي وملزم إلتزامه

فرقت دنيا من عقب التوحد     ولفت أفكاري مثل لف العمامه

جفت إدموعي وأنا للوضع أسـرد     وشفت دمعه طاحت وسوت علامه

دمعة الطير الذي مثلـي مشـرد     إنقطع حسه ولا كمل كلامه