أخـاف أوادع حـبيبي و التقي بطيفـه

يـأنبني و يسألني ،،، كيف اليـوم تنسانـي ؟

أخـاف أوادع و يبتدي قلبي خريفــه

و تجف أغصان أشجاري و يعاتبني و جداني

أخـاف أوادع و تهل ليالي مخيفـــه

اخـاويها بتناهيدن و أبات اللـيل سهراني

أخاف أوادع  و يحمَـلني همومن كليفه

هـمومن ماني ابقادر أضمها و هوَه الجاني

أخاف أوادع و تناظرني العيون العفيفـه

تقول أرجـوك سامحني تراني حيل شقياني

أخـاف أوادع و تهطل امطارن خفيفـه

تطفَي نصف نيراني و تخلَي نصفـها الثاني

أخاف أوادع  و تصبح حالتي  سخيفـه

و أشوف الناس تنفيني و صدى آهاتي ينساني

 أخـاف أوادع و روحي تهجر وليفـه

و ارقبهـم يكفنونـي و تصير التربه أوطانـي