عيد المحبة وانت عيدي حبيبي

نعس العيون الجارحــــات وطبيبــــــي
سحر(ن) عجيب(ن) كيف سون معايا

يامن تملك بالحشــــــى والقليبـــــــــي
لله درك كيف ذكــــرك شفايـــــــــــــا

نهبت مني خافياتــــي نهيبــــــــــــــي
اتبعك طايع وانت كــــل المنايــــــــا

الليل يسدي في ظــــــلامه لهيبــــــي
والشوق يبري خافقلــــــي برايــــــــا

عيد المحبه وانت عيدي حبيبـــــــــي
العام كله عيد وانتــــــه هوايـــــــــا

بين الزهر ياورد عمري الرطيبـــي
متميز(ن) لونك بـــلون الشفايــــــا

يفرح قليب المستهيــــــم العطيبــــي
لي شاف زولك يافريــــــد البرايـــا

لك من الوصف والله شي(ن) رهيبي
نادر ولاتحويه كـــــل السمايـــــــــا

اصل(ن) وفصل(ن) والتوالي عريبي
ونور المحيا يا حسيــــن الدعايـــــــا